આઇફોન 5 એસ

આખરે નવો ફોન લેવામાં આવ્યો. આઈફોન 5 એસ. વધારે માહિતી મારા અંગ્રેજી બ્લોગ પર. 

ફૂડ પોઈઝનીંગ

2 દિવસથી ફૂડ પોઈઝનીંગને લીધે બીમાર પડ્યો છું. પરમદિવસ સવારથી આના લક્ષણ ચાલું થયા. શરૂઆત ઉબકા-ઉલટીથી થઇ અને પછી ઠંડી લાગવી અને ત્યારબાદ સખત તાવ આવ્યો. પરમદિવસે કૉલેજ પૂરી થાય એ પહેલાં ઘરે આવી જવું પડ્યું.

ખબર નથી પડતી કે કયા કીટાણુંએ મારા પેટ અને આંતરડામાં હલચલ મચાવી.  ગઈકાલે કૉલેજમાંથી રજા લઈને આરામ કર્યો અને આજે પણ ક્રિસમસની રજાને લીધે આરામ થશે. હજી કઈ પણ કઈ જમ્યા પછી પેટમાં ઠીક નથી લાગતું.

હું નસીબદાર છું કે પત્ની તરીકે મને કિરણ મળી છે. એ મારું ખુબ જ ધ્યાન રાખે છે, જેમ લગ્ન પહેલાં મમ્મી રાખતી હતી. કિરણની કાળજીને લીધે ઘણું સારું ફીલ થાય છે.

નવાજુની - 4

• કિરણ, સમીના અને વિપુલ જોડે સાબરમતી રિવર ફ્રન્ટ પર ગયા.
• કિરણ જોડે સાબરમતી નદીમાં સ્પીડ-બોટની મજા માણી. 
• તુષાર અને પ્રાચી આલ્ફા વન મોલમાં મળ્યા અને પછી ત્યાં જ સીનેપોલીસમાં નવું આવેલ મુવી પી.કે. જોયું.
• મુવી પછી મિતાલી પણ મળી અને એને મળી ને અમે UVPCE, Ganpat University ના ભૂતપૂર્વ વિદ્યાર્થી સંમેલનમાં (alumni meet) ગયા.
•  ભૂતપૂર્વ વિદ્યાર્થી સંમેલનની પોસ્ટ મારા અંગ્રેજી બ્લોગ પર છે.

નવાજુની - 3

• ગઈ કાલે પરીક્ષાના બહાને અમે ઘણાં મિત્રો અમદાવાદમાં મળ્યા. પરીક્ષા હતી GPSC દ્વારા લેવામાં આવતી ગુજરાતની Engineering/Polytechnic Colleges માં IT Lecturer માટે ની ભરતીની. 
• ઘણાં સમય પછી હું વિમલ, રવિ, શ્રીકાંત અને આદેશને (RSA) મળ્યો. તુષાર, વિપુલ, કિરણ અને આનંદભાઈ પણ હતા. 
• પરીક્ષા પછી અમે બધા આશ્રમ રોડ પર એક રેસ્ટોરાંમાં જમ્યા અને પછી મુવી (Exodus) જોવાનું ગોઠવ્યું. મુવી નો શો 3:30 નો હોવાથી અમે લોકો જમ્યા પછી સાબરમતી રીવર-ફ્રન્ટ ગયા અને as usual - ફોટો પાડ્યા.
• હું, તુષાર, શ્રીકાંત અને રવિ સ્પીડ બોટ માં પણ બેઠા. સરસ અનુભવ. 
• મુવી પછી અમે બધાને આવજો કરી ને ગાંધીનગર આવ્યા.
• અને હા, બધાને "ટાઢ મુબારક".