Wednesday, May 14, 2014

નવાજુની, અમદાવાદ નેશનલ બૂક ફેર - ૨૦૧૪

નવાજુની
  • ઘણાં દિવસોથી લખવાનું બાકી છે. આખરે ઘણી મહેનત પછી ગાંધીનગરમાં ઘર ભાડે મળ્યું. મકાનમાલિક પણ સારા છે. 
  • ઘરે activa લેવામાં આવ્યું છે.
  • કૉલેજમાંથી આ વખતે એક મહિના જેટલું વેકેશન મળ્યું છે. 
અમદાવાદ નેશનલ બૂક ફેર - ૨૦૧૪
  • આ વખતે બૂક ફેર મારા માટે ખુબ જ મજેદાર રહ્યો.
  • મારા ગમતા લેખકો - જય વસાવડા અને ડૉ. શરદ ઠાકરને મળવાનો મોકો મળ્યો. એમની સાથે ફોટો પણ પડાવ્યો અને એમના હસ્તાક્ષર વાળા પુસ્તકો પણ ખરીદ્યા.
  • બૂક ફેર ની સાથે સાથે સાંસ્કૃતિક કાર્યક્રમો પણ રાખવામાં આવે છે. જેમાં આ વખતે મને પાર્થિવ ગોહિલ નો લાઈવ શો માણવા મળ્યો અને આપણા લોકલાડીલા એવા હાસ્યકલાકાર સાંઈરામ દવે ને માણવાનો અને સાથે ફોટો પડાવવાનો પણ મોકો મળ્યો.

Tuesday, May 13, 2014

કૉપી બિલાડીઓ થી સાવધાન

હમણાં જ હું મારી લખેલી અમુક કવિતાઓ અને બ્લોગ પોસ્ટ્સ (જે મેં આ બ્લોગ પર મુકેલી) ને ગૂગલમાં સર્ચ કરતો હતો - જે થી ખબર પડે કે કૉપી-બિલાડીઓ/બિલાડાઓ "copycats" કોણ કોણ છે. અને મેં જોયું કે મારી લખેલી ઘણી પોસ્ટ્સ અને ખાસ તો કવિતાઓ કોઈ પણ જાતના reference આપ્યા વગર કૉપી થઇ છે.

મેં લખેલી કવિતાઓ સૌથી વધુ કૉપી થયેલ છે. અમુક જાણીતી વેબસાઈટ્સ/બ્લોગ્સ એ પણ કોઈ પણ જાત ની તપાસ કર્યા વગર કે ક્રેડીટ આપ્યા વગર મારી કવિતાઓ કૉપી કરી છે. એ સાઈટ્સનું નામ નથી આપતો અને આ વાત ને પોઝીટીવલી લઈને હું મારી જાતને બિરદાવું છું કે મારા જેવા મોબાઈલ કવિ (કારણ કે હું મારી ઘણી ખરી કવિતાઓ સ્ફુરે ત્યારે મોબાઈલમાં જ લખું છું) ને લોકો નો આટલો પ્રેમ મળ્યો.

પણ જે લોકો નિયમિત પણે કવિતા કે વાર્તા જેવું કંઈક creative લખે છે, એમને આવી કૉપી બિલાડીઓ થી ચેતવું જોઈએ. બાકી એ દિવસ દૂર નથી કે જ્યારે તમારી જ કવિતા કે વાર્તા કે પછી for that matter, anything of your own, લોકો તમને જ સંભળાવી જાય.

આવી સાહિત્યિક ચોરી માટે અંગ્રેજીમાં એક સરસ શબ્દ છે : Plagiarism

P.S. : આ Plagiarism ની પોસ્ટ પણ કૉપી થાય તો નવાઈ નહિ ;-)